Devnagrī

De la Vikipidiya
Ja kai: phiripen, rodipen

Devǎnagǎrī si yekh abugida lekhipen labyardo te lekhavel, korkoro vai le avere lekhimatenca, chhiba andar o Indikano Subkontinento sar sanskritikani, hindi, marathi, kashmiri, sindhi, romani, bihari, bhili, konkani, bhojpuri, nepali.

Nav[editisar | modificare sursă]

I devǎnagǎrī sas kerdini ando 12-to shelbersh andar o lekhipen Siddham. Pe sanskritikani, nagǎrī si i juvlikani forma andar nāgara (forutno). Si juvlikani andar kodya so pasharel i juvlikani navni lipi (lekhipen) , tay devǎ si "devel": devǎnagǎrī lipi - "forutno lekhipen le devlenge".

Sar lekhavel pe[editisar | modificare sursă]

Pe devǎnagǎri lekhipen si 12 svǎra (vokalurya) tay 34 vyǎnjǎna (konsonanturya).

Vyǎnjǎna[editisar | modificare sursă]

O devǎnagǎrī lekhipen si yek abugida lekhipen andar kodya so sa le vyǎnjǎna kana si korkore si len o svǎr ǎ. Sar misalyake, o grafem "प" si "pǎ". Te avel "p" trebul te labyardyovel o viram "्" so sikavel ke "ǎ" perel: "प्" si "p".

O viram nay labyardo te sikavel ke "ǎ" perel kana dui vai buteder vyǎnjǎna si yek palal avreste, bisvǎrenge mashkar lenge. Atunch, le pasharde vyǎnjǎna phanden pen, kerindoy yek phandipen. Sar misalyake, "k" lekhavdyovel korkoro sar "क्" tay "l" si korkoro "ल्". yek palal avreste si "क्ल्". Kathe o "क्" xasardyas E chachi rig. Numa o paluno vyǎnjǎn achhel bichhindo, sar misalyake trin vyǎnjǎna yek palal avreste: "ख्स्त" si "khst" tay korkore si "ख", "स", "त". Si buteder regule te keren pen le vyǎnjǎnenge phandipena. Acharutnes, kana varekon lekhavel pe kompyuter dosta te thol o viram/विराम "्" mashkar lende te keren pen le phandipena Avtomatikanes. Sar misalyake, kerindoy klik "ग" + "्" + "ल" avel "ग्ल".

Tele si le vyǎnjǎna andar o devǎnagǎrī lekhipen.

Le vyǎnjǎna
Grafem Latinikanes IPA
khǎ khə
ɡə
ghǎ ɡɦə
ngǎ,ṅǎ ŋə
chǎ tʃə
chhǎ hə
dʒə
jhǎ ɦə
nyǎ, ñǎ ɲə
ttǎ, ṭǎ ʈə
tthǎ, ṭhǎ ʈhə
ddǎ, ḍǎ ɖ / ɽə
ddhǎ, ḍhǎ ɖɦ / ɽɦə
nnǎ, ṇǎ ɳə
t̪ə
thǎ hə
d̪ə
dhǎ ɦə
n̪ə
phǎ phə
bhǎ bɦə
ɾə
llǎ, ḷǎ ɭə
shǎ, śǎ ɕə
ssǎ, ṣǎ ʂə


Kadale si le vyǎnjǎna so sas ko shirdipen. Kana neve shunipena labyardyoven pe chib, neve grafema keren pen andar le purane. O semno "़" (nukta/नुक़ता) thol pes po grafem so shunel pes may pasharno.

Neve vyǎnjǎna
Grafem Latinikanes IPA
क़ q /qə/
फ़ f /fə/
ख़ x, khh /xə/
ग़ ghh /ɣə/
ज़ z /zə/
श़ zh /ʐ/
ड़ <ni ekh> /ɽə/
ढ़ <ni ekh> /ɽʱə/

Svǎra[editisar | modificare sursă]

Sa le svǎren, avryal "ǎ", si len duy forme: yek kana si korkoro, ko shirdipen le lavengo vay palal aver svǎr tay aver forma palal yek vyǎnjǎn. Sar misalyake, "o" korkoro si "ओ" tay palal vyǎnjǎn si "ो", s.m. "पो" = "po". Numa le svǎreske "ǎ", chi trebul te labyarel ni yek grafema te lekhavel les palal yek vyǎnjǎn: "प" si "pǎ".

Tele si sa le svǎre: anglunes si i forma kana o svǎr si korkoro tay o duyto si i forma palal yek vyǎnjǎn (kathe, sar misalyake, "प्"-"p"):


Le svǎra
Semno Semno le svǎresko palal <p> Latinikanes IPA
(ni ekh) a ə
पा aa ɑ
पि i ɪ
पी ii i
पु u ʊ
पू uu u
पृ svǎr r rɪ ([r ̩]) andi Sanskrit)
पॄ svǎr rr rɪ ([rː̩]) andi Sanskrit)
पॢ svǎr l ([l ̩]) andi Sanskrit)
पॣ svǎr ll (lː̩]) andi Sanskrit)
पॅ candra e
पॆ xarno e e
पे e e(ː)
पै ai ɛ ([ai]) andi Sanskrit)
पॉ candra o
पॊ xarno o o
पो o o(ː)
पौ au ɔ ([au] andi Sanskrit)

Ǎkshǎr[editisar | modificare sursă]

Yek ǎkshǎr si yek yekhipen grafemengo so kerdivel andar zero vay yek vyǎnjǎna tay yek vay buteder svǎra. Ǎkshǎrenge misala:

  • "आ" - numa yek svǎr (zero vyǎnjǎna);
  • "ओइ" - buteder svǎra (zero vyǎnjǎna);
  • "सो" - yek vyǎnjǎn tay yek svǎr;
  • "काइ" - yek vyǎnjǎn tay buteder svǎra.

Aver simboluya[editisar | modificare sursă]

Aver simbolurya so keren ververimata
Simbolo le <p>-esa Unicode nav Labyaripen IPA
प् virama Navyardo vi halant; chhinel o svǎr ǎ. [p]
पँ candra-bindu Nakhalisarel o svǎr [pə̃]
पं anusvara Nakhalisarel o svǎr [pə̃]
पः visarga Del respiraciya bishunipnaski palal o svǎr [pəh] / [pəə̥]
प़ nukta Labyardo te sikavel neve shunimata (sar misalake, ph + nukta = f)
पऽ avagraha Labyardo te lunjisarel o svǎr [pə:]

Gina[editisar | modificare sursă]

Devanagari gina
0 1 2 3 4 5 6 7 8 9

Vi dikh[editisar | modificare sursă]