Ella Veres
E Ella Veres si ekh lekhavni thay phrini (aktorni) andar e Rumuniya (beshindoi akana ando Nevo York). Lake phure si Magyara, Rumunya, Roma thay Jermanya.
Palal o Baro Paruvipen la Rumuniyako (1989), voy geli kay Budapesht kay siklylya ando Amerikano Mashkar e Nevelilengo. Palal o sukcheso e lekhesko (artikolesko) lake Paradise on Sale (O Uzho Them Bikipnasko), lekhavdo ando nevolil The New York Times, voy shirdya te lekhavel artikolurya andi laki day-patrin (website), vi tyatroske lila. Ando 1999to bersh, voy lel o Premyo Lillian Hellman e Tyatroske Lilenge, le lilesa Audition to "Mom! We Are Too White to Be Gypsies!" (Shunipen kay "Daye! Ame si prya parne te avas Roma!"). Pa Deshtonai 1999, inkalavel o trito lil, No Sob Stories, Please! (Mekh e rovindoi paramicha, rugiv tut!)
Ando pashivend e 2000to bershesko, kerdya ekh ekspozitsiya pa o biyandipnasko them, e Transilvaniya, navyardi Farewell, My Transylvania! (Mekhav tut, Transilvaniyo!), lekhavindoi pa late ande Amerikane, Rumunikane thay Magyarikane nevelila[1][2][3][4][5].
2005 bershesko, kerindoi buti le artistesa G-Stompz, voy kheldya o spektakolo Experiences of Milky Way, Born-Again Christians and Peacocks (Maladimata le Thudeske Dromesa, le Kristiyane Neve-Protestantentsa thay le Paunentsa) ando Festivalo Teknoval (ando Ontario). Ande bersha 2005 thay 2006 kheldya Fanging My Way Thru America (Astarindoi o miro drom andi Amerika), ekh kidipen lekhavimatengo pa e vampirya so avile andi Amerika.
E palune tyatroske butya, Three Eco-Friendly Self-Propelled Clowns (Trin clovnurya ekolojishtya ingerindoi pen) si la o ekhto khel pa 19 Deshtonai 2007 kay Off-Off Broadway.
Pa 21 Deshuekhtonai 2007, Ella Veres lekhavdya o artikolo I Don’t Want To Be a Gypsy Anymore (Chi may kamav te avav Jipsi)[6][7][8], dindoi duma pa e rasistikane jalimata kay e imigranturya andar e Estuni Europa anen ande PhSA.
Xalyarimata[editisar | modificare sursă]
- ↑ https://web.archive.org/web/20091027023235/http://geocities.com/mytransylvania/
- ↑ https://web.archive.org/web/20071217181548/http://www.corpse.org/issue_9/gallery/veres/index.htm
- ↑ https://web.archive.org/web/20080612094234/http://www.sacredslam.com/Ella%20Veres%20Living%20Room.htm
- ↑ http://www.columbia.edu/cu/romanian/2004/agenda_2004.html
- ↑ https://web.archive.org/web/20080828183435/http://hhrf.org/nyugatihirlevel/nyh23.htm
- ↑ https://web.archive.org/web/20071124034933/http://nyc.indymedia.org/or/2007/11/92893.html
- ↑ https://web.archive.org/web/20071203154022/http://romania.indymedia.org/ro/2007/11/2371.shtml
- ↑ http://www.transilvaniaexpres.ro/index.php?mod=articol&id_articol=68856