Liparipnasqo Dives e Rromenqo vaś o Samudaripen
O Liparipnasqo Dives e Rromenqo vaś o Samudaripen (vaj o Evropaqo Gïndosqo Ges po Rromano Holokausto) si jekh liparipnasqo dives kaj liparel e opferǎ vaj viktimurǎ e Rromane genocidosqo (o Samudaripen), kaj dǎs sar rezultàto kë maśkar 220.000 thaj 500.000 Rromane ʒene sas mudarde kaθar o Nacistikano Nǎmco thaj lesqe amala kana sas o Dùjto Lumǎqo Maripen. O dives o 2-to augusto sas alosardo te liparel kado dives sosqe anθ-i rǎti po 2-3 augusto 1944, 2.897 Rroma, majbut isindoj ʒuvlǎ, ćhave thaj phure, sas mudarde anθ-o Ciganosqe familiaqo lagèro (Zigeunerfamilienlager) k-o Auschwitz samudaripnasqo lagèro. Vuni thema alosarde te liparen o Samudaripen pe avere divesa.