George Washington

O George Washington (22 februari 1732 - 14 decembro 1799) sas Amerikano Dad, militarno oficer, thaj politikano savo kerdas buti sar o angluno prezidento le Amerikake Staturengo katar o 1789 ʒi ko 1797. Prinʒardo katar o Dujto Kontinentalno Kongreso sar komandanto le Kontinentalno Armia ko 1775 berś, o Washington ingerdas e Patriotne marutne ki viktorija ko Amerikano Revolucionàro Maripen thaj palal kodoja kerdas buti sar prezidento e Konstitucionalo Konvenciaqo ko 1787, savi kerdas i akanutni Konstitucia e Amerikaqi. O Washington kerdas pes pindžardo sar "O Dad leske Themesko".

O Washingtonesqo angluno publikano ofiso, katar o 1749 źi ka o 1750, sas sar geodèto anθ-o Culpeper County anθ-i Kolonia e Virginiaqi. Ko 1752 berś, vov lias militarno treningo thaj sas dino o rango sar maj baro ko Virginia Regiment. Ko vakti e Francuzosko thaj Indiako maripnasko, o Washington sas promovirimo sar lejtenanto-kolonel ko 1754 thaj palo odova kerdas pes šerutno e Virginiako Regimento ko 1755. Vov sas maj palal alosardo ko Virginia House of Burgesses thaj sas dino anav sar delegato ko Kontinentalno Kongreso ki Filadelfia, savo alosardas les sherutno komandanto e Kontinentalno Armiako. O Washington ingerdas e Amerikake marutne te len jekh decizivno viktorija upral e Anglikane ando Revolucionarno Maripe, so kerdas e Anglikane te xramosaren o Tratato le Parisosko, savo pindžardas o suvereniteto thaj i independencia le Amerikake Staturenqi. Vov mukhlja peski komisia ko 1783 bersh palo agorisardipe e Revolucionarno maripnasko.

O Washington kheldǎs jekh indispensabilno rola ano adoptiribe thaj ratifikàcia e Konstituciaqi, savi lǎs o than e Artiklosqo e Konfederaciaqo anθ-o 1789. Vov sas alosardo dujvar sar prezidento jekhutnes katar o Electoral College anθ-o 1788 thaj 1792. Sar o angluno U.S. prezidento, o Washington implementisarda jekh zuralo, laćhe finansirisardas o nacionalno gavermento, ačhilo bi-partikano ande jekh zurali rivaliteta savi kerdili maškar e membrura katar o kabineto o Thomas Jefferson thaj o Alexander Hamilton. Ko vakti e Francijako Revoluciako, vov proklamisarda politika e neutralitetosko thaj vi sankcionirisardas o Jay Tratato. Vov thovdas dureder precedentura vash o ofiso e prezidentosko, mashkar lende o republikanizmo, jekh pachako transfero e zorako, o hasnipe e titlosko "Mr. President", thaj e duj-terminoski tradicia. Lesko 1796-to berśesqo laćharipen kerdilo jekh maj importanto deklaràcia pal-o republikanizmo anθ-o savo vov xramosardas pal-i importanca e naciònalo jekhimatenqi thaj e pharipa save o regionalizmo, o partizanizmo thaj e avrutni influènca keren lesqe.

O Washingtonesko dikhipe si ikona e Amerikaki kulturaki. Vov sas memorializirimo katar monumentura, jekh federalno prazdniko, diferentno medijake sikavimata, geografikane thana sar so si o nacionalno sherutno foro, o Them Washington, marke thaj love. Ko 1976 berś, o Washington sas promovirime palal o meripe ko rango e generalo e Armatengo, o maj baro rango ki U.S. Armia. O Washington si sajekh rangjardo ande duj popularne thaj ande śkolake anketa sar jekh katar e maj bare prezidentura ande Amerikaki historija.