Jeniśikane manuśa

O Jeniś (germanikanes: Jenische; francikanes: Yéniche, Taïtch) si phirutni grupa anθ-o Vèsto thaj vi anθ-o Èsto Evropa kaj beśen bute anθ-i Germania, Avstria, Śvicerlàndo, Luksembùrgo, Belgia thaj anθ-o estosqo kotor e Francaqo. Majbut teorie kerdine pen thaj sas dine avri te dudisaren e korene e grupaqe, vi xatǎrdo k-öl Jeniśa si rakle e ćorrenqe anθar o anglutno modèrno periòdo, anglal te vazden pen opre sar jekh etnikani grupa anθ-o anglutno kotor e XIX-to śeliberśesqo. Aver teoria si ke von si rromane ćhave, vaj jekh xamipen maśkar öl rroma thaj ververe phirutne grupe sar e biboldikane balamne, so śaj prinʒarel pes anθar o fàkto ke i jeniśikani ćhib si pherdi rromane alavenθar. Phenel pes ke bute Jeniśa mukhline o phirutnipnasqo ʒivipen anθ-ël berśa 1850-1999.