Buxlyarimos le Europikane Ekipnasko

O Europikano Ekipen, po shirdipnaste, sas kerdini andar shov thema pe 1952to bersheste thai palal kodya barilyas ji kai 25 thema somdasne (membrurya). Katar 1952 ji akana sas panj buxlyarimata, o bareder ando 1 mai 2004, kana vi 10 neve thema kiderden. Kana vi i Rumuniya thai i Bulgariya kiderena ando 1 Yanuara 2007to bersh, atunchi avena 27 thema.

Kashte phandel le Europikano Ekipnasa, ek them trebul te kerel nishte kidipnaske thai forovipnaske mangimata, jangle sar Kopenhaga mangimata (palal o maladipen andi Kopenhaga, 1993). Vi fishtesavo akanutno somdasno them trebul te aprobisarel le neve zumavde.

Purane buxlyarimata

Thema ranglyarde sar kiderden ando EE (kaleder si puraneder; mai kale, mai purane)

• 9 mai 1950 — O Franchezikano Avrutno Ministro, o Robert Schuman anel lesko mangimos te avel ek phandli Europa, janglo sar o mangimos Schuman dikhlyovel sar o shir la ekhe phandle Europyake.

• 23 yuliyo 1952 — O Tratato andar le Parizoste kerdilo o Europikano Khetanipen le Karbunosko thai le Sastryesko andar themende (po shirdipnaste) Benelux, Luksemburgo, Okchidentutni Jermaniya, Franchiya thai Italiya.
• 1958 — O EKhKS kerel o Europikano Kidipnasko Khetanipen, savi, palal kodya avel o Europikano Khetanipen (EKh).

• 1 yanuara 1973 (Ekto buxlyarimos) — Danemarka, Republika Irland, thai Phandlo Thagaripen kideren ando EKh.

• 1 yanuara 1981 (Duito buxlyarimos) — Grechiya avel ando EKh.

• 1985 — Shov bersha palal i Danemark del autonomiya, Greenland alosarel te inklel katar le EKheste. Dikh Uzalune riga le somdasne themenge thai lenge relaciya le EKhesa.

• 1 yanuara 1986 (Trito buxlyarimos) — Spaniya thai Portugaliya aven ando EKh.

• 3 octubra 1990 — Oriyentuti Jermaniya thai Okchidentutni Jermaniya palemphandel (dikh Phandipen la Jermaniyako), thai i purani Oriyentuti Jermaniya avel ando EKh; ek phandipen kiderel ando EKh phuv thai manusha, ta chi baryarel o gin le themenge.

• 1 novembra 1993 — O Trato Maastricht shirdel te avel zakono, kerindoi o Europikano Ekipen.

• 1 yanuara 1995 (Shtarto buxlyarimos) — Austriya, Finland thai Sveko kideren pen ando EE.

• 1 mai 2004 (Panjto buxlyarimos) — O bareder gin le themenge so aven ekvar, Chipro, Chexiya, Estoniya, Ungariya, Letoniya, Lithuaniya, Malta, Polska, Slovaiko, and Sloveniya kideren pen ando EE.