Romani Arli Alfabeta
Romani Arli Alfabeta isi ola 32 bukve. I Romani Arli Alfabeta pisija o Sead Šerifi - Sejo. Ov ljelja iniciativa akava projekti te ovel čačipe hem đelo ko but phuvja ki Evropa te diskutirini akija tema e Romencar so vačerena Arli dialekti. I Romani čhib nane pisimi pana! I romani čhib prenosia pe mujea kotar generacia ki generacia. Romani čhib tani but barvalji čhib, ama sebepi e butberšengiri diskriminacia, čoripe hem migracia, o Roma na hine oljen vakti te pisinen piklji čhib. Avdije i Švecko, Germansko hem Englesko čhib isi oljen lafija kotar romani čhib, ama hem i romani čhib isi ola lafija kotar Indisko, Persisko, Armenisko, Arapsko, Kurdistansko, Grčko, Srpsko, Khorane… Sa o dialektia isi oljen efekti kotar i Romani migracia so čerđa pe, kotar odija phuv so bešena hem ki savi Romani grupa perena o Roma. Isi pobuter kotar 50 Romane dialektia ko sveto. Akala tane maškaro najpenđarde dialektia: Arli dialekti, Lovara, Sinti, Sepečides, Kelderaš, Kale... O dialektia but razlikuinena pe jekh jekhestar. Odoljese o Roma šaj but phareste te haljoven pe ako isi oljen avera dialektia. Avdije šaj hem o Roma so vačerena Arli dialekti, te phenen so isi oljen alfabeta, Romani Arli Alfabetahttps://romanihistoria.com/romanichib.html.
| O bukve ki Romani Arli Alfabeta | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| А а |
B b |
C c |
Č č |
Čh čh |
D d |
Đ đ |
E e | ||||||||||||
| F f |
G g |
H h |
I i |
J j |
K k |
Kh kh |
L l | ||||||||||||
| Lj lj |
M m |
N n |
Nj nј |
O o |
P p |
Ph ph |
R r | ||||||||||||
| S S |
Š š |
T t |
Th th |
U u |
V v |
Z z |
Ž ž | ||||||||||||