Banjara

De la Vikipidiya
Ja kai: phiripen, rodipen
Banjaran woman.jpg

Banjara si yekh desi jātī (kasta, naciya, seloro) so aven andar o Rajasthan. Lengo ćhib si i lambadi (lamani) [1], yekh rajputikani ćhib tar e indo-arianikane ćhiba. Von phenen vi le ćhiba le manushenge andar teritorurya kai jivisaren (marathi, telugu, kannada thai aver). But lendar chi mai phenen lambadi.

Puranipen[editisar | modificare sursă]

Dumult von jivisarden ando Rajasthan, ando okchidento le Indikane Subkontinenteske. Kana e xoraxaya (musulmanurya) kerder maripen ande kodole riga (o 11-to shelbersh), but lendar trebulen te nashen. Akana cira jivisaren ando Rajasthan. E kolaver si andi Maharashtra, Jharkhand, Andhra Pradesh, Karnataka thai aver thema la Indiyake. But shelbersha von achyararden te phirel le lenge guruvenca andar le nordutne thai mashkarutne riga le Subkontinenteske (sas phirutne jene). Von kerden love ingerindos marfurya (dyiv, orezo, bumbako, thai aver) yekh thanestar aver thaneste opre le guruvenge dumende. De kana inklen e moderne transportoske mashkara von trebulas te beshen ande forurya thai gava.

E banjarenge phure janen thai mothoven puranimata de kana telyarden e Rajasthanestar. Von sas yekh rajputikano (xelavdo) grupo thai marden but bersha zurales e musulmanenca, but thema e forurya kothar sas peravde. Ando kodo vaxt, kana e musulmanurya kana e hindustanurya sas mai zurale. Von mai phenen so nishte manusha lendar gelen ando okchidento, ko Afganisthan thai Persiya pe Khiber, Bolan thai Mulla plainenge tangimata thai chi avilen palpale.

Banjara thai roma[editisar | modificare sursă]

Kana janglen pe roma von den godi so kadala si e gele. Von kerden nishte rodimata (vi inklisti yekh rivista, Banjara roma), den duma le romenca so arakhlen. Vi de kana aver manusha shunden kadava, navyaren len Gypsy, Banjara Gypsy vai Banjara Roma (e europenurya janen mai mishto le romen). Von phenen so e dui sela miazon pen (vi e roma vi e banjara den but pativ lenge familiende, e juvlya xuryaven miazutne cale...).

Tar e kerde rodimata dudalo si e roma aven andar o Rajasthan thai o Punjab thai mekhlen kodole thana po 11-to shelbersh (kana sas o maripen le musulmanurenge le hidustanenca). Pal nai kerdo ji akana yekh seriozo rodipen pe roma thai e banjara kethanes te xalyarel so si puranipen thai so si paramichi ande mothovimata le banjarenge, kashte janas e roma si kodola gele vai na.


Avrutne phandimata[editisar | modificare sursă]